Úffff....þvílík vonbrigði...það lítur allt út fyrir það að ég komist ekki að í módelbransanum enn um sinn...það var greinilega önnur myndarlegri feitabolla sem passaði betur í hlutverkið...það er allavega ekki búið að hafa samband við mig ennþá og upptökur hefjast á morgunn....búhúhú....

Annars var ég að horfa á umræðuþátt á stöð 2 áðan þar sem Guðmundur Árni og Jónína Bjartmarz voru að ræða niðurskurðinn í heilbrigðiskerfinu okkar. Mér finnst alveg hreint ótrúlegt að þjóðarskútan sé ekki við það að sökkva ef eitthvað er að marka umræðurnar sem maður sér þingmenn þjóðarinnar taka þátt í á vettvangi fjölmiðlanna. Það virðist loða við alla pólitíska umræðu að hver bendir á annan...þú..nei þú....nei þú...þú...og aldrei kemst nein niðurstaða í málið...mér er gjörsamlega fyrirmunað að skilja það að allir geti alltaf haft rétt fyrir sér og hvað þá þegar kemur að flóknum fyrirbærum eins og að stýra landinu...það er samt eins og enginn þori að játa á sig mistök eða yfirsjón eða slíkt heldur er haldið í sökkvandi skútuna alveg fram á síðustu stund...Auðvitað eru þingmenn og ráðherrar bara mannlegir eins og við hin og misjafnar skoðanir eru á mismunandi málaflokkum, samt virðist enginn nokkurn tíman þurfa að játa á sig mistök og umræðuþættirnir um pólitísk málefni verða oftar en ekki háreyst rifrildi aðilanna þar sem menn eru helst með hugann við það hvernig þeir komist að til þess að segja að hinn aðilinn sé bara að snúa útúr og allt sem hann segi sé rangt...svo kemur mótaðilinn og segir nákvæmlega það sama....og loks er þátturinn búinn og enginn er nokkru nær um umræðuefnið.....fara þingmenn í skóla til þess að læra þetta eða hvernig fara menn að....

Í dag varð ég módel....það gerðist þannig að ég fór með Sturla æskufélaga mínum niður á skrifstofu Casting, módelskrifstofunnar, en hann hefur verið að leika í auglýsingum fyrir þá síðustu árin...ekki nema það þó að ég er rifinn í myndatöku og ægilega upp með mér af því að þeir vilji hafa mig í gagnagrunni með sæta fólkinu....síðan förum við Stu á Thorvaldsens og fáum okkur kaffi og skömmu seinna hringir síminn....og viti menn daman hjá Casting vildi fá mig í prufu fyrir einhverja auglýsingu...en það hlaut að vera eitthvað bogið við þetta...jú auglýsingin er um mann sem er búinn að éta yfir sig yfir jólinn og þarf að fara að gera eitthvað í sínum málum....þetta er einmitt ímyndin sem ég er búinn að vera að reyna að skapa mér...þybbni náunginn sem ræður ekki við sig í jólaboðunum, hvað þá á ódýru hlaðborði í hádeginu og ber vaxtalagið því glöggt vitni...nei auðvitað er ég montinn af því að vera módel

Góðan daginn og gleðilegt ár....takk fyrir allt gamalt og gott

Ég hef komist að þeirri niðurstöðu að eftir góðæri síðasta árs þá hljóti þetta ár að vera árið...völvan mín segir mér að árið verði einstaklega gott....fjölskyldan mín og vinir eiga sérstaklega eftir að eiga frábært ár í öllum skilningi.

Árið byrjaði vel hjá mér...ég eyddi gamlárskvöldi í edrúmennsku og líkaði það bara ágætlega...ég var reyndar svolítið súr fyrstu 2 klukkustundirnar af partíinu að geta ekki tekið þátt en síðan fór að síga á seinni hluta gleðinnar og ég var þegar upp er staðið ótrúlega sáttur við þessa stefnu enda er gamlárskvöld alltaf einhvern vegin tilefni vonbrigða af því maður gerir sér oft svo miklar væntingar um gleði þessa ákveðna kvölds. Nú síðan lágum við fjölskyldan í leti eins og gengur og gerist svona fyrstu dagana á nýju ári en fórum fljótlega að huga að undirbúningi skírnarinnar. Tengdamamma og mágar mínir komu til okkar og gistu hjá okkur fram að skírninni og var það alveg frábært þó það væri svolítið þröngt um okkur á Eggertsgötunni.

Þann 10. janúar skírði Sr Bjarni Karlsson strákinn okkar og við gáfum honum nafnið Draupnir Dan Baldvinsson. Okkur finnst nafnið stórt og fallegt og eftir að hafa gengið með það í maganum í nokkra mánuði þá ákváðum við að það myndi passa best við strákinn okkar. Hann Draupnir Dan er nú orðinn rúmlega tveggja mánaða gamall og verður mannalegri með hverjum deginum sem líður. Hann er búinn að vera algjört draumabarn, sefur og borðar og heur lítið sem ekkert fengið í magann eða verið óvær. Og þó svo hann taki smá rispu þá gleymir maður því öllu um leið og hann opnar fallegu augun sín og brosir til manns...það er alveg hreint ótrúlegt hvað hann er yndislegur. En ég ætla nu ekki að ganga frá ykkur með væmni...þeir sem vilja heyra meira um hann Draupni Dan geta kíkt á heimasíðuna hans á Barnalandi eða ennþá betra...bara kíkt í kaffi til okkar á Eggertsgötuna.

Nú að öðru leyti þá gengur lífið sinn vanagang, skólinn er byrjaður og ég er byrjaður að skipuleggja það að útskrifast loksins sem einhvers konar fræðingur frá HR þá er bara spurning hvað maður á að taka sér fyrir hendur í framhaldinu....mér líst best á það að kíkja í mastersnám í fjármálum og þá helst einhversstaðar erlendis. Ég veit það eitt að mig langar til þess að læra meira, hvort sem það verður í beinu framhaldi eða með smá hléi á milli....það kemur í ljós....